وکلاء پروٹیشن ایکٹ وقت کی ضرورت ہے شہباز غزلانی ایڈووکیٹ .وکلا اپنی جانوں پر کھیل کر پیشہ ورانہ فرائض ادا کر رہے ہیں۔وکلا کمیونٹی کے وقار اور جان ومال کو محفوظ رکھنے کیلیے وکلا پروٹیکشن ایکٹ اسمبلی سے منظور کرایا جاۓ۔ یہ مطالبہ شہباز خان غزلانی ایڈووکیٹ نے پریس کانفرنس میں کیا۔انہوں نے کہا کہ وکیل کو ہر قسم کے لوگوں سے سامنا پڑتا ہے۔ دھمکیوں، دھونس اور انتقامی ھتھکنڈوں کا مقابلہ بھی کرنا پڑتا ہے۔ کالے کوٹ کے تقدس کی بحالی کیلیے جدوجہد بھی کرنا پڑتی ہے۔ ان حالات کاتقاضا ہے کہ وکلا کے خلاف پرتشدد واقعات اور اقدامات کو روکنے کیلیے پروٹیکشن ایکٹ منظور کرایا جاۓ۔ انصاف کی عملداری کیلیے وکلا میں تحفظ کا احساس پیدا کرنا ضروری ہے۔اس موقع پر یعقوب خان رند ایڈووکیٹ,آصف خان ببر,دانش چوہدری ایڈووکیٹ,ارسلان چودھری اور عمیر چودھری کے علاوہ کافی وکلاء موجود تھے