صفحۂ اول    ہمارے بارے میں    رپورٹر اکاونٹ    ہمارا رابطہ
جمعہ دسمبر 2022 

بے قابو ہائیڈروجن غبارہ ایک شخص کو 320 کلومیٹر دور اڑا کر لے گیا

disk news | اتوار 11 ستمبر 2022 

یجنگ: چین میں چلغوزوں کی کاشت کے دوران ہائیڈروجن غبارہ قابو سے باہر ہوکر ایک شخص کو 320 کلو میٹر دور تک اڑا لے گیا۔

میڈیا رپورٹس کے مطابق غبارے میں پھنسے شخص کو بچانے کے لیے مقامی کمپنی، فائر فائٹرز، پولیس اور پیشہ ورانہ ریسکیو اہلکاروں کی 500 سے زائد افراد پر مشتمل ٹیم ریسکیو آپریشن کے لیے حرکت میں آئی۔

مذکورہ بالا شخص جن کا نام ہُو تھا، وہ اور ان کے ساتھی اتوار کے روز چین کے شمال مشرقی صوبے ہِیلونگ جیانگ کے ایک فارسٹ پارک میں باغ سے چلغوزے چن رہے تھے جب غبارہ ان کے قابو سے باہر ہوا اور اڑتا چلا گیا۔

 

چین کے سرکاری خبر رساں ادارے کے مطابق غبارہ جب قابو سے باہر ہوا تو ہُو کے ساتھی نے بچنے کے لیے چھلانگ لگادی لیکن ہُو اس ہی میں رہ گئے۔

ریسکیو اہلکار کا ہُو سے اڑنے کے بعد اگلی صبح موبائل فون کے ذریعے رابطہ ہوا اور انہوں نے آہستہ آہستہ غبارے سے ہوا نکالنے کا مشورہ دیا تاکہ زمین پر آیا جاسکے۔

لیکن ہُو کی پرواز جاری رہی اور وہ مزید ایک روز تک غبارے میں اڑتے رہے اور منگل کی صبح 320 کلومیٹر دور روس کی سرحد کے قریب جا کر زمین پر اترے۔

دو دن طویل فضائی سفر کے بعد میڈیا سے گفتگو کرتے ہوئے ہُو کا کہنا تھا کہ وہ تقریباً ہار مان چکے تھے۔ ریسکیو اہلکاروں کا شکریہ ورنہ وہ زندہ نہ ہوتے۔

ہمارے بارے میں جاننے کے لئے نیچے دئیے گئے لنکس پر کلک کیجئے۔

ہمارے بارے میں   |   ضابطہ اخلاق   |   اشتہارات   |   ہم سے رابطہ کیجئے
 
© 2020 All Rights of Publications are Reserved by Aksriyat.
Developed by: myk Production
تمام مواد کے جملہ حقوق محفوظ ہیں © 2020 اکثریت۔