پشاور کیپٹل سٹی پولیس پشاور نے تھانہ متنی کی حدود میں متنی پولیس کی حساس ادارے کی معاونت سے اہم کارروائی کر تے ہوئے درہ آدم خیل کی جانب سے بھاری تعداد میں اسلحہ سمگل کرنے کی کوشش ناکام بنا دی ،ٹرک میں آلو کے بوریوں میں چھپا یا گیا اسلحہ 10عدد رائفل 12بور،8 عدد ائر گن برآمد کر لی گئی ہے ،ملزم کو گاڑی سمیت گرفتار کر کے اس کے خلاف مقدمہ درج کر کے تفتیش شروع کر دی گئی ہے تفصیلات کے مطابق گزشتہ روز ایس پی صدر عبدالسلام خالد کو خفیہ ذرائع سے اطلاع موصول ہوئی تھی کہ کسی بھی وقت اسلحہ درہ آدم خیل سے پنجاب سمگل کرنے کی کوشش کی جائے گی، جس پر درہ آدم خیل کیجانب سے شہر میں داخل ہونیوالے تمام راستوں کی نگرانی کرنے کی ہدایت کی گئی ڈی ایس پی صدر سرکل سعید خان کی نگرانی میں ایس ایچ او تھانہ متنی بسم اللّٰلہ جان دیگر پولیس نفری کے ہمراہ ارباب ٹاپو چیک پوسٹ ناکہ بندی پر موجود تھے کہ اس دوران ایک ٹرک نمبر 2209 کو روک کر تلاشی لینے پر ٹرک میں آلو کے بوریوں میں چھپا یا گیا اسلحہ 10عدد رائفل 12بور،8 عدد ائر گن برآمد کر لی گئی ہے ،ملزم رجب علی ولد خدائے بخش سکنہ پا ڑہ چنار گرفتار کر لیا ہے ،ملزم منظم اسلحہ سمگلر گروہ سے تعلق رکھتا ہے ، ملزم کی نشاندھی پر ملوث دیگر ساتھیوں کے خلاف کارروائی کی جا رہی ہے اس کے خلاف مقدمہ درج کر کے تفتیش شروع کر دی گئی ہے،