امارات میں کتوں کیلئے سونے اور ہیرے سے سجے کالرز متعارف

ابوظبی: کتوں کا سامان فروخت کرنے والی دکان نے ہیروں سے جڑے خوبصورت کالرز متعارف کرا دئیے جن کی مالیت 10 ہزار مقرر کی گئی ہے۔

غیر ملکی میڈیا کے مطابق متحدہ عرب امارات میں کتوں کا سامان فروخت کرنے والی ایک دکان نے 20 لاکھ روپے سے زائد مالیت کالرز متعارف کروایا ہے جس میں سونے سے بنی ’بو’ نصب کی گئی ہے۔

بو کو 18 قیراط سونے سے تیار کیا گیا ہے جس میں جڑے 2 اعشاریہ 6 قیراط وزن کے ہیروں کیساتھ 6 سے 7 قیراط کے اصلی روبی کو بھی لگایا گیا ہے۔

پیٹ کارنر چیت سدھارتھ ملہوترا کا کہنا ہے کہ کتے انسان کے بہترین دوست ہوتے ہیں ان کیلئے ہیرے، جواہرات سے سجا کالر بہترین تحفہ ہے۔

پیٹ کارنر نامی دکان کے مالک نے مستقبل میں بھی ایسی اشیاء متعارف کروانے کا ارادہ ظاہر کیا ہے۔