نویں محرم کا جلوس'خواتین پولیس اہلکار بھی سیکورٹی خدمات میں پیش پیش

پشاورپشاور میں نویں محرم الحرام کے موقع پر حسینیہ امام بارگاہ سے برآمد ہونے والے مرکزی جلوس کے موقع پر سیکورٹی کے سخت انتظامات' پولیس کی بھاری نفری کیساتھ خواتین پولیس اہلکار بھی ڈیوٹی پر موجود رہیں ڈی ایس پی ٹریفک پولیس انیلہ ناز اور ایس ایچ او رضوانہ حمید نے سیکورٹی انتظامات کا جائزہ لیا اور ڈیوٹی پر مامور خواتین پولیس اہلکاروں سے ملیں اس موقع پر صحافیوں سے بات چیت کرتے ہوئے انیلہ ناز کا کہنا تھا کہ چیف کیپٹل سٹی پولیس اور ایس ایس پی ٹریفک کے احکامات کی روشی میں ماتمی جلوسوں کیلئے سیکورٹی کے سخت انتظامات کئے گئے تھے پشاور صدر کے تمام داخلی و خارجی راستوں پرناکہ بندیاں کرکے مرد پولیس اہلکار کیساتھ خو اتین پولیس اہلکار بھی سیکورٹی خدمات انجام دیتی رہیں جبکہ جلوس کیلئے آنے والی تمام خواتین کو مکمل تلاشی کے بعد آنے کی اجازت تھی جس پر تمام خواتین پولیس اہلکار داد کی مستحق ہیں ڈی ایس پی انیلہ ناز کا مزید کہنا تھا کہ آج دسویں محرم الحرام کے لئے بھی سیکورٹی کا بہترین پلان تشکیل دے دیا گیا ہے جس کے تحت شہر بھر میں مختلف مقامات پر چیکنگ پوائنٹ بنائے گئے ہیں اورماتمی جلوسوں کی سی سی ٹی وی کمروں کے ذریعے نگرانی کی جارہی ہے تاکہ کسی بھی خوشگوار واقعے سے بچا جاسکے ان کا کہنا تھا کہ پولیس کی جانب سے بہترین انتظامات کے تحت شہر میں مذہبی رواداری اور بھائی چارے کی فضا قائم ہے۔