بدنام زمانہ مشہور قمار باز بوستانے کے ڈھیرے پر قمار بازی میں مصروف 7 افراد گرفتار

پشاور کیپٹل سٹی پولیس پشاور نے خفیہ اطلاع پر کارروائی کے دوران بدنام زمانہ مشہور قمار باز بوستانے کے ڈھیرے پر قمار بازی میں مصروف 7 افراد کو گرفتار کر لیا، گرفتار ملزمان میں بوستانے کا بھتیجا اور بھانجا بھی شامل ہیں جن کو خفیہ اطلاع پر ہونے والی کارروائی کے دوران گرفتار کیا گیا ہے، گرفتار ہونے والے ملزمان کے قبضے سے داو پر لگی رقم دو لاکھ پچیس ہزار روپے اور آلات قماربازی بھی برآمد کر لئے گئے ہیں جن کے خلاف مقدمہ درج کرکے تفتیش شروع کر دی گئی ہے تفصیلات کے مطابق ڈی ایس پی سٹی عتیق شاہ کی نگرانی میں ایس ایچ او تھانہ کوتوالی رفیق خان نے خفیہ اطلاع پر کارروائی کے دوران بدنام زمانہ قمار باز بوستانے کے ڈھیرے پر قمار بازی میں مصروف سات ملزمان کو گرفتار کیا ہے، گرفتار ملزمان میں محمد علی ولد آدم خان، طارق محمود ولد دوران خان، غفران ولد شیر گل، فضل رحمان ولد محمد آمین، نجم الدین ولد اسلام الد ین، زرمت خان ولد ہاشم خان اور سلمان ولد ابراہیم شامل ہیں جبکہ گرفتار ملزمان میں ایک بوستانے کا بھتیجا اور بھانجا ہے جن کے قبضہ داو پر لگی رقم دو لاکھ پچیس ہزار روپے اور آلات قمار بازی بھی برآمد کر لئے گئے ہیں، تمام ملزمان کے خلاف مقدمہ درج کر کے تفتیش شروع کر دی گئی ہے