منشیات فروش کیخلاف کارروائی، 7 ملزمان گرفتار

ورپشاور پولیس نے منشیات کے مکروہ دھندے میں ملوث افراد کے خلاف جاری کریک ڈاؤن کے دوران مزید7 افراد کو گرفتار کر لیا۔تفصیلات کے مطابق ایس ایچ او تھانہ بڈھ بیر بلال مہمند نے پانچ ملزمان محمد عمران ولد بشیر،اکبر ولد عبد الکریم ساکنان پنجاب، عبد الواحد ولد خیال محمد سکنہ ضلع خیبر، عادل ولد پرویز اور فیاض ولد ریاض ساکنان بڈھ بیر کو گرفتار کر کے ان کے قبضے سے 3 کلو گرام سے زائد چرس، دو کلو گرام افیون اور 90ہزار جعلی کرنسی برآمد کر لی ۔اسی طرح ایس ایچ او تھانہ آغا میر جانی شاہ عمران الدین خان نے رکشہ کے ذریعے منشیات سپلائی کرنے والا ملزم اجمل ولد شان اکبر سکنہ اسلم ڈھیری کو گرفتار کرکے اس کے قبضے سے تین کلو گرام چرس اور ندیم خان ولد اشرف خان کو گرفتار کرکے اس کے قبضے سے ایک عدد کلاشنکوف اور ایک عدد پستول برآمد کر لیا ۔ گرفتار تمام ملزمان کے خلاف مقدمات درج کرکے تفتیش شروع کر دی گئی ہے۔