سٹی ٹریفک پولیس پشاور کی جانب سے شہریوں میں گلوز تقسیم

پشاور سٹی ٹریفک پولیس پشاور کی جانب سے شہریوں میں کورونا وائرس سے بچنے کیلئے گلوز تقسیم کرنے سمیت آگاہی دی گئی۔ تفصیلات کے مطابق ایس ایس پی ٹریفک وسیم احمد خلیل کی ہدایت پر سٹی ٹریفک پولیس پشاور کی ایجوکیشن ٹیم نے شہر کے مختلف سیکٹروں میں لاڈ سپیکر کے ذریعے شہریوں کو کورونا وائرس سے بچنے اور حکومت کی جانب سے احتیاطی تدابیر پر عملدرآمد کو یقینی بنانے کیلئے آگاہی دی اور ان میں احتیاطی تدابیر پر مشتمل پمفلٹس تقسیم کئے گئے اس دوران شہریوں میں گلوز بھی تقسیم کئے گئے اور ان کو آگاہ کیا گیا کہ وہ اس جان لیوا وبا سے بچنے کیلئے ماسک کا استعمال ضرور کریں تاکہ اس وبا کے دوسرے شخص کو انتقال کا سلسلہ رک جائے۔ ایس ایس پی ٹریفک وسیم احمد خلیل نے ٹریفک ہیڈ کوارٹر گلبہار سے جاری کردہ پریس ریلیز میں کہا ہے کہ شہری اپنی اور اپنے پیاروں کی زندگیوں کو محفوظ بنانے کی خاطر احتیاطی تدابیر پر عملدرآمد کو یقینی بنائیں اور اپنے گھروں سے بلا کسی وجہ نکلنے سے گریز کریں اور بار بار ہاتھ ملانے اور گلے ملنے سے گریز کر کے ہی اپنی اور دوسروں کی زندگیوں کو محفو ظ بنایا جا سکتا ہے۔ انہوں نے کہا کہ اس خطرناک اور جان لیوا بیماری کے خاتمے کا واحد حل میل جول سے گریز اور احتیاطی تدابیر پر عملدرآمد کو یقینی بنانا ہے۔