پولیس افسران، علماء کرام، معزیزین اور مشران کی ملاقات

 پشاورکیپٹل سٹی پولیس پشاور نے صوبائی حکومت کی احکامات کی روشنی میں پچھلے جمعہ کی طرح اس جمعہ کو بھی خصوصی مہم چلائی ہے جس کے دوران مختلف سرکلز میں پولیس افسران نے علماء کرام، معزیزین اور مشران کیساتھ میٹنگز کا انعقاد کیا گیا، شہر بھر میں کرونا وائرس کے پھیلاؤ کو روکنے کی خاطر علماء کرام اور شہریوں کو اعتماد میں لیتے ہوئے نماز جمعہ کے دوران وبا سے بچانے کی خاطر مختصر خطبہ دینے کی اپیل کی، پولیس افسران نے علماء کرام کو نماز جمعہ میں مختصر تلاوت کرنے کی یقین دہانی کرانے کیساتھ ساتھ مساجد پر حکومتی احکامات پر مبنی پمفلٹ بھی چسپاں کئے۔تفصیلات کے مطابق اس جمعہ کے روز بھی پشاور پولیس نے صوبائی حکومت کی جانب سے جاری کردہ احکامات کی روشنی میں کرونا وائرس کے پھیلائو کو روکنے کی خاطر ضلع بھر میں علماء کرام ،معززین اور علاقائی مشران کیساتھ ملاقاتیں کرتے ہوئے مہم چلائی ،خصوصی مہم کے دوران پشاور پولیس نے علماء کرام اور شہریوں کو احتیاطی تدابیر پر عمل کرنے کی یقین بھی دہانی کرائی،پولیس افسران نے علماء کرام ،مشران اور معزیزین کیساتھ نماز جمعہ سے قبل مختلف سرکلز میں میٹنگز بھی کرائی گئی جس میں پولیس افسران نے خطاب کرتے ہوئے کہا کہ ہم سب کوکرونا وائرس کے خاتمہ کیلئے کردار ادا کرنا چاہیئے ہم متحد ہو کر اس وبا کا خاتمہ ممکن بنایا جا سکتا ہے ۔دوسری جانب ایس ایس پی آپریشن ظہور بابر آفریدی نے عوام الناس کو پیغام دیتے ہوئے کہا کہ شہری احتیاطی تدابیر اختیار کر کے مہذب شہری ہونے کا ثبوت دیں