پشاور پولیس خاتون سمگلر سمیت 4 منشیات فروشوں کو گرفتار کر لیا

پشاور پشاور پولیس خاتون سمگلر سمیت 4 منشیات فروشوں کو گرفتار کر لیا۔تفصیلات کے مطابق اے ایس پی حیات آباد کی سربراہی میں ایس ایچ او تھانہ تاتارا نعیم حیدر نے لیڈیز پولیس اور دیگر پولیس ٹیم کے ہمراہ خاتون سمیت دو ملزمان مسماة(ل) زوجہ شریف سکنہ نوشہرہ اور باسط ولد مصری خان سکنہ ضلع خیبرکو گرفتار کرکے ان کے قبضے سے 2کلو گرام ہیروئن کر لی۔اسی طرح ایس ایچ او تھانہ ٹائون اشفاق خان نے خفیہ اطلاع پر کارروائی کے دوران پوش علاقے میں منشیات سپلائی کرنے والا ملزم شوکت ولد برکت سکنہ تہ کال کو گرفتار کرکے اس کے قبضے سے 4کلو گرام چرس برآمد کی جبکہ ایس ایچ او تھانہ بڈھ بیر بلا ل حسین خان نے مشہور منشیات فروش شمشیر عرف شیر خان ولد حاجی محمد سکنہ شین درنگ کو گرفتار کر کے اس کے قبضے سے 3 کلو گرام چرس برآمد کر لی۔ گرفتار ہونے والے تمام ملزمان نے ابتدائی تفتیش کے دوران منشیات فروشی اور سمگلنگ میں ملوث ہونے کا اعتراف کر لیا جن کے خلاف مقدمات درج کرکے تفتیش شروع کر دی گئی ہے۔