سٹی ٹریفک پولیس کے زیر اہتمام کورونا سے نمٹنے کیلئے آگاہی مہم جاری

پشاور۔سٹی ٹریفک پولیس پشاور کے زیر اہتمام کورونا وائرس سے نمٹنے کیلئے آگاہی مہم کا سلسلہ زور و شور سے جاری ہے اس سلسلے میں شہر بھر میں سپیشل ایجوکیشن ٹیم شہریوں کو لاڈ سپیکر کے ذریعے بھی آگاہی دے رہی ہے۔ تفصیلات کے مطابق ایس ایس پی ٹریفک وسیم احمد خلیل کی ہدایت پر ضلع بھر کے تمام سیکٹروں میں ڈی ایس پی انیلہ ناز نے ٹیموں کے ہمراہ مختلف مقامات پر ناکہ بندیاں کیں اس دوران شہریوں کو اس خطرناک وبا سے بچنے کیلئے آگاہی دی جا رہی ہے اور شہریوں میں پمفلٹس تقسیم کئے جا رہے ہیں تاکہ اس وبا کو پر جلد از جلد قابو پایا جا سکے اور شہری اس وبا سے بچنے کیلئے احتیاطی تدابیر اپنائے۔ ایس ایس پی ٹریفک وسیم احمد خلیل نے ٹریفک ہیڈ کوارٹر سے جاری کردہ پریس ریلیز میں تمام متعلقہ حکام کو ہدایت کی ہے کہ وہ کورونا وائرس سے بچنے کیلئے آگاہی مہم جاری رکھیں اور زیادہ سے زیادہ لوگوں کو اس وبا سے متعلق اویئر کریں۔ انہوں نے مزید کہا کہ شہری کورونا وائرس سے نمٹنے کیلئے حکومت کی جانب سے جاری کردہ ہدایات پر عملدرآمد کو یقینی بنائیں اور اپنے گھروں تک محدود رہیں تاکہ اس وبا پر جلد سے جلد قابو پایا جا سکے۔