سردارعبدالحئی خان امیرتحریک لبیک جتوئی

مظفرگڑھ:سردارعبدالحئی  خان امیرتحریک لبیک جتوئی نے کہا ہے کہ اپوزیشن جماعتیں کرونا جیسی آفت پر سیاست کرنے کی بجائے اس مرض پر قابو پانے میں حکومت کا ساتھ دیں یہ وقت سیاست نہیں اجتماعی اقدامات کا ہے حکومت عوام کے جان و مال کے تحفظ کے لئے تمام وسائل بروئے کار لائے۔ اس کے لئے عالمی ادارہ صحت حکومت پاکستان کی تائید کر رہا ہے اپوزیشن سیاست کرنے کی بجائے آزمائش کی اس گھڑی میں قوم اور حکومت کے شانہ بشانہ چلیں ملک و قوم مستحکم ہو گا تو سیاست ہے ورنہ یہ سیاست کسی کام نہیں آئے گی۔ کرونا وائرس قرآن وسنت کے احکامات سے روگردانی کا نتیجہ ہے۔ مدینہ کی ریاست کے دعویدار حکمران قرآن و سنت کے نظام کو ملک میں عملی طور پر نافذ کریں۔اسلام کے سنہری اصولوں اور ضابطے حیات کو اپنا نے سے ملک و قوم کے مسائل اور کرونا وائرس جیسی بیماری سے نجات حاصل کی جا سکتی ہے۔ پہلے سے پتہ ہونے کے باوجود حکومت کا کرونا وائرس کی روک تھام کیلئے ٹھوس اقدامات نہ کرناحکومتی نااہلی کو ثابت کرتا ہے اگر حکومت نے بروقت اور قبل از اقدامات کیے ہوتے تو آج مدارس، تعلیمی ادارے، دفاتر اور بازاروں کو بند کرنے کی نوبت نہ آتی اور عوام میں شدید خوف و ہراس نہ پایا جاتا