راولپنڈی: (راجہ فرقان احمد) راولپنڈی پولیس کا منشیات فروشوں کے خلاف کارائیوں کا سلسلہ جاری،03 منشیات فروش گرفتار، بھاری مقدار میںچرس برآمد. تفصیلات کے مطابق سٹی پولیس آفیسر محمد احسن یونس نے منشیات فروشوں کے خلاف کریک ڈاﺅن کے احکامات جاری کر رکھے ہیں جس کے تحت 03 منشیات فروشوں کو گرفتار کرکے 04 کلو سے زائد چرس برآمد کر لی گئی. ایس پی راول ڈویژن رائے مظہر اقبال نے سی پی او کو بریفنگ دیتے ہوئے بتایا کہ ایس ایچ او تھانہ سٹی نے اپنی ٹیم کے ہمراہ کاروائی کرتے ہوئے منشیات فروشوں محمد بلال اور مسماة شہناز مغل کو گرفتار کرلیا، گرفتارملزمان کے قبضہ سے02 کلو 910 گرام چرس برآمدکرلی جبکہ ایس پی صدرضیاءالدین نے بتایا کہ ایس ایچ او تھانہ صدر بیرونی نے اپنی ٹیم کے ہمراہ کاروائی کرکے منشیات فروش ندیم کو گرفتار کرکے اس کے قبضہ سے 1 کلو 500 گرام چرس برآمد کرلی. ملزمان کے خلاف الگ الگ مقدمات درج کرلیے گئے ہیں. سی پی او احسن یونس نے ڈویژنل ایس پیزکو شاباش دیتے ہوئے کہا کہ منشیات معاشرے میںنوجوان نسل کی تباہی کا باعث بن رہی ہے جس کا قلع قمع کرنا ضروری ہے منشیات فروشوں کے خلاف کاروائیو ں میں تیزی لائی جائے اور ان موت کا دھندہ کرنے والوں کو ہر صورت کیفر کردار تک پہنچایا جائے۔