راولپنڈی: (راجہ فرقان احمد) راولپنڈی پولیس کی جانب سے پولیس لائنز ہیڈ کوارٹرز راولپنڈی میں جنرل پریڈ کا انعقاد, پولیس کے دستوں نے ایس پی راول کو سلامی پیش کی. تفصیلات کے مطابق انسپکٹرجنرل آف پولیس پنجاب شعیب دستگیر کے احکامات اور سٹی پولیس آفیسرراولپنڈی محمد احسن یونس کی ہدایت پرپولیس لائنز ہیڈ کوارٹرز راولپنڈی میں جنرل پریڈ کا انعقادکیا گیا، پولیس کے چاق وچوبند دستوں نے ایس پی راول ڈویژن ر ائے مظہر اقبال کو سلامی دی۔ جنرل پریڈ میں ایس پی راول ،ایس ڈی پی اوسول لائنزبینش فاطمہ،ایس ایچ اوزکے علاوہ ضلعی پولیس ، ایلیٹ فورس ، ڈولفن سکارڈ ، سٹی ٹریفک پولیس اور بینڈز سٹاف نے شرکت کی ، ضلعی پولیس ،ایلیٹ فورس ،ڈولفن اور ٹریفک پولیس کے دستوں نے ایس پی راول ڈویژن رائے مظہراقبال کو سلامی پیش کی ، جنرل پریڈ کا مقصد پولیس فورس کے جوانوں کو جسمانی و ذہنی طور پرمضبوط رکھنا ہے۔