ایس ایس پی ابرار حسین نیکوکارا کی نماز جنازہ پولیس لائنز ہیڈ کوارٹرز راولپنڈی میں ادا

راولپنڈی:(راجہ فرقان احمد) ایس ایس پی ابرار حسین نیکوکارا پرنسپل پولیس ٹریننگ سکول روات کی نماز جنازہ پولیس لائنز ہیڈ کوارٹرز راولپنڈی میں ادا کر دی گئی. نماز جنازہ میں سینئر پولیس افسران و اہلکاروں کی کثیر تعداد میں شرکت. تفصیلات کے مطابق گزشتہ روز خود کشی کرنے والے پولیس ٹریننگ سکول روات کے پرنسپل ایس ایس پی ابرار حسین نیکوکارا کی نماز جنازہ پولیس لائنز ہیڈ کوارٹرز راولپنڈی میں ادا کر دی گئی. نماز جنازہ میں آر پی او راولپنڈی سہیل حبیب تاجک، سی پی او راولپنڈی محمد احسن یونس ،چیف ٹریفک آفیسر راولپنڈی محمد بن اشرف، ایس ایس پی آپریشنز طارق ولایت، ایس ایس پی انوسٹی گیشن محمد فیصل سمیت دیگر سینئر افسران و اہلکاروں نے کثیر تعداد میں شرکت کی. راولپنڈی پولیس کے چاق و چوبند دستے نے جسد خاکی کو سلامی پیش کی. نماز جنازہ کے بعد جسد خاکی کو تدفین کے لئے مکمل اعزاز کے ساتھ آبائی علاقہ روانہ کر دیا گیا۔