خیبرپختونخوا ایکسائز نے ضبط شدہ مختلف نوعیت کی 83گاڑیاں نیلام کردیں

پشاور خیبرپختونخوا ایکسائز نے مختلف کاروائیوں میں ضبط شدہ مختلف نوعیت کی 83گاڑیوں کی نیلامی کامیابی سے سرانجام دی۔ صوبائی آکشن کمیٹی کی موجودگی میں 83میں سے 79گاڑیوں پر کامیاب بولی لگائی گئی جس کے عوض دس ملین سمیت ٹیکس کے سرکاری خزانے میں جمع کئے جائے گیں۔ ایکسائز ٹیکسیشن آفیسر و انچارج وئیر ہائوس اعجاز خان کا کہنا ہے کہ پہلی دفعہ نیلام ایکسائز وئیر کے اندر منعقد ہوا جہاں تمام تر قانونی تقاضے پورے کئے گئے اور دلچسپی رکھنے والے عوام بذریعہ اخبارات، اشتہارات و سوشل میڈیا مطلع کیا گیا تھا۔ ان کا کہنا تھا کہ ایکسائز اعلی حکام کی قیادت میں کامیابیوں کی جانب رواں دواں ہیں جبکہ ادارے میں انقلابی اقدامات اٹھائے جارہے ہیں تاکہ عوام تک خدمات کی رسائی میں آسانیاں پیدا ہو۔ ان کا کہنا تھا کہ ان کی ٹیم آئندہ دو مہینوں کے اندر اندر دوسری نیلامی کی تیاری کررہے ہیں جس میں وہ امید کرتے ہیں کہ سرکاری خزانے میں اس سے زیادہ کی رقم جمع کی جائیگی۔ واضح رہے کہ یہ ایکسائز کی 89ویں نیلامی تھی۔