ایس پی ٹریفک صاحبزادہ سجاد سے پی ڈی اے حکام کی ملاقات

پشاور قائمقام ایس ایس پی ٹریفک وسیم احمد خلیل کی ہدایت پر ایس پی سٹی ٹریفک صاحبزادہ سجاد سے پشاور ڈویلپمنٹ اتھارٹی کے حکام نے ملاقات کی۔ ملاقات کے دوران شہر کے مختلف علاقوں میں ٹریفک جام کے مسئلے کو مستقل بنیادوں پر حل کرنے کیلئے اقدامات اٹھانے کا فیصلہ کیا گیا۔ ایس پی سٹی ٹریفک نے پی ڈی اے حکام سے شہر کے مختلف اہم شاہراہوں پر ٹریفک سگنلز سے متعلق بورڈز لگانے بارے تعاون طلب کی تاکہ شہریوں اور مسافروں کو متبادل راستوں بارے معلومات ہو اور انہیں سفر میں کسی قسم کے مشکلات کا سامنا نہ ہو جس پر پشاور ڈویلپمنٹ اتھارٹی کے حکام نے ایس پی سٹی صاحبزادہ محمد سجاد کو ہر قسم کے تعاون کی یقین دہانی کرائی اور کہا کہ پشاور کی ترقی اور عوام کیلئے آسانیاں پیدا کرنے کے لئے مشترکہ طور پر کام جاری رکھیں گے اور جہاں کہیں بھی عوام کو مسئلے درپیش ہوں گے پشاور ڈویلپمنٹ اتھارٹی کے حکام اول دستے کا کردار ادا کرینگے جس پر ایس پی سٹی ٹریفک نے پشاور ڈویلپمنٹ اتھارٹی کے حکام کا شکریہ ادا کیا۔