پشاورچیف ٹریفک آفیسر کاشف ذوالفقار نے کہاہے کہ ٹریفک قوانین پر عمل درآمد اور ہیلمٹ کے استعمال سے حادثات کی روک تھام میں کافی حد تک مدد مل سکتی ہے اور اس سلسلے میں ٹریفک پولیس عوام کے ساتھ مکمل تعاون کررہی ہے اور ہماری یہ کوششیں ہے کہ ٹریفک کی مد میں زیادہ سے زیادہ سہولیات عوام کو مہیا کریں ان خیالات کااظہار انہوں نے ٹریفک ہیڈکوارٹر میں موٹرسائیکل ڈرائیونگ لائسنس حاصل کرنے والے شہریوں میں ہیلمٹ تقسیم کرنے کی تقریب سے خطاب کرتے ہوئے کیا اس موقع پر ان کے ہمراہ ڈائریکٹر (آئی ٹی) محمد اشفاق ,ڈی ایس پی (ایم ایل اے)جہانزیب تنولی اور کریم کمپنی کے منیجر شاہ ریز اور دیگر حکام بھی موجود تھے. چیف ٹریفک آفیسر کاشف ذوالفقار نے کہاکہ عوام میں ہیلمٹ تقسیم کرنے کا سلسلہ جاری رہے گا اور سٹی وکینٹ میں مختلف جگہوں پر شہریوں میں کریم کمپنی کے تعاون سے ہیلمٹ تقسیم کئے جائینگے. انہوں نے کہاکہ بی آر ٹی کی تکمیل سے پشاور میں ٹریفک کامسئلہ حل ہوجائے گا اور عوام کو مشکلات کا سامنانہیں کرنا پڑے گا تاہم اس دوران ٹریفک پولیس پشاور نے عوام کو رش سے بچانے کے لئے ہیلپ لائن 1915 کا سلسلہ شروع کررکھا ہے اور اس کے بہتر نتائج برآمد ہوئے ہیں.تفصیلات کے مطابق عوام میں حادثات کی روک تھام کے لئے ٹریفک پولیس نے کریم کمپنی کے تعاون سے ہیلمٹ اور دیگر سامان تقسیم کرنے کی مہم کا آغاز کردیاہے جو کہ جاری رہے گی اور اس میں ہیلمٹ کے ساتھ ساتھ ٹریفک قوانین سے متعلق پمفلٹ،سٹیکر تقسیم کئے جائینگے اور اس مہم کے دوران تاجر برادری،سول سوسائٹی اور دیگر مکتبہ فکر کے لوگ مکمل تعاون کررہے ہیں. ترجمان شھاب خان عمرزئے سٹی ٹریفک پولیس پشاور