صفحۂ اول    ہمارے بارے میں    رپورٹر اکاونٹ    ہمارا رابطہ
منگل 23 جولائی 2019 

کانز فیسٹیول میں بالی وڈ اداکارہ دپیکا کے انوکھے انداز

شوبز ڈیسک | اتوار 19 مئی 2019 

فرانس کے شہر کانز میں 72 واں سالانہ فلم فیسٹیول جاری ہے جس کے ریڈ کارپٹ پر بالی وڈ اداکارہ دپیکا پڈوکون نے فیشن کے جلوے بکھیرے۔

دپیکا پڈوکون نے گزشتہ برس کی طرح اس سال بھی معروف میک اپ برانڈ لورئیل کی نمائندگی کی اور اپنے منفرد اسٹائل سے سب کی توجہ کا مرکز بن گئیں۔

انہوں نے ہمیشہ کی طرح فیشن کے نئے انداز کا انتخاب کیا اور مختلف میک اپ اور ہیئر اسٹائلز کو اپنایا۔

اداکارہ نے کانز ریڈ کارپٹ پر جلوہ گر ہونے سے قبل ہی اپنے ہر اسٹائل کی تصاویر انسٹاگرام پر شیئر کیں جنہیں مداحوں کی جانب سے پسند کیا گیا۔

اس کے علاوہ انہوں نے اپنی تیاری کے حوالے سے ویڈیوز بھی شیئر کیں جس میں بتایا کہ وہ صبح چار بجے سے میک اپ اور نت نئے منفرد ملبوسات کا انتخاب کرکے تصاویر  بنانے میں مصروف ہیں۔

اداکارہ نے لورئیل برانڈ کی نمائندگی کرتے ہوئے سب سے پہلے سفید رنگ کی میکسی زیب تن کی۔

کانز فلم فیسٹیول میں اداکارہ نے کورٹ پینٹ پہن کر بزنس لک کا بھی انتخاب کیا۔

پیکا پڈوکون نے رن وے لک میں شاندار جلوے بکھیرے۔

دپیکا پڈوکون کی فلورل پرنٹ لک بھی سب کی توجہ کا مرکز بنی۔ 

 آخر میں انہوں نے ہلکے ہرے رنگ کا فلر لباس زیب تن کیا جس پر مائلڈ پنک رنگ کی کیپ کا انتخاب کیا۔

دپیکا جیسے ہی تصاویر سوشل میڈیا پر شیئر کرتیں، مداح سمیت ان کے شوہر و اداکار رنویر سنگھ بھی محبت کا اظہار کرتے۔

کانز فلم فیسٹیول میں دپیکا پڈوکون سمیت اداکارہ پریانکا چوپڑا کنگنا رناوت اور بھارتی ٹی وی اسٹار حناء خان نے بھی فیشن کے جلوے بکھیرے۔

 

ہمارے بارے میں جاننے کے لئے نیچے دئیے گئے لنکس پر کلک کیجئے۔

ہمارے بارے میں   |   ضابطہ اخلاق   |   اشتہارات   |   ہم سے رابطہ کیجئے
 
© 2019 All Rights of Publications are Reserved by Aksriyat.
Developed by: SuperWebz.com
تمام مواد کے جملہ حقوق محفوظ ہیں © 2019 اکثریت۔