حکومت کا بڑا فیصلہ، وفاقی ادارہ شماریات بند کر دیا گیا، ادارے کے تمام اختیارات اور انتظامی امور وفاقی وزارت منصوبہ بندی کو سونپ دیے گئے۔ تفصیلات کے مطابق حکومت کی جانب سے بڑے حکومتی ادارے وفاقی ادارہ شماریات کو بند کر دیا گیا ہے۔
بتایا گیا ہے کہ وفاقی ادارہ شماریات کے تمام اختیارات اور انتظامات وفاقی وزارت منصوبہ بندی کو منتقل کر دیے گئے ہیں۔
بتایا گیا ہے کہ وفاقی ادارہ شماریات کا نام بدل کر اسے وزیراعظم کے غربت مٹاو منصوبے کیلئے استعمال کیا جائے گا۔ وفاقی ادارہ شماریات کے تمام اثاثوں کو غربت مٹاو منصوبے کیلئے استعمال میں لایا جائے گا۔ جبکہ ادارہ شماریات کی جانب سے مردم شماری، مہنگائی کے اعداد و شمار جاری کرنے سمیت دیگر تمام امور اب وفاقی وزارت منصوبہ بندی دیکھے گی۔