صفحۂ اول    ہمارے بارے میں    رپورٹر اکاونٹ    ہمارا رابطہ
پیر 22 جولائی 2024 

کوہاٹ: آسمانی بجلی گرنے سے 5 افراد جاں بحق ہوگئے

نمائندہ اکثریت | جمعرات 14 فروری 2019 

 کوہاٹ کے نواحی علاقے سورگل میں ٹرانسفارمر پر آسمانی بجلی گرنے کے واقعہ نے قیامت صغریٰ کا منظر پیش کردیا اور ٹرانسفارمر میں آگ بھڑک اٴْٹھنے سے ہائی وولٹیج کی تاریں ٹوٹ کرگرنے سے متعدد گھروں میں شارٹ سرکٹ کے باعث کرنٹ اور آگ لگنے کے سبب دوخواتین سمیت پانچ افرادجاں بحق اوردو خواتین شدید زخمی ہوگئیں جبکہ آگ کے باعث متعدد گھروں کو شدید نقصانپہنچا ۔

پولیس سٹیشن جرما کے مطابق یہ المناک واقعہ جمعرات کی علی الصبح تقریباً چھ بجے انڈس ہائی وے پر واقع نواحی علاقے سورگل میںپیش آیا جہاں ٹرانسفارمر پرآسمانی بجلی گرنے کے نتیجے میں ٹرانسفارمر میں آگ بھڑ اًٹھی اورہائی وولٹیج کی تاریں متعدد گھروں پر گرگئیںور اس میں شارٹ سرکٹ کے باعث کرنٹ اور آگ لگنے کی وجہ سے دوخواتین سمیت پانچ افراد جاں بحق جبکہ دوخواتین زخمی ہوگئیں۔

واقعہ کی اطلاع ملتے ہی مقامی افراد ‘ مقامی پولیس اورریسکیو1122 کا عملہ فوری طورپر جائے وقوعہ پہنچا جہاں امدادی کاروائیاں شروع کرکے تمام افراد کو ڈویژنل ہیڈکوارٹر ہسپتال کوہاٹ پہنچادیا۔پولیس کے مطابق جاں بحق افراد میں گل نواز‘ آیازگل ‘ طارق اوردوخواتین مسماة شمشیدہ بی بی اور فرزانہ شامل ہیں جبکہ زخمیخواتین میں فریدہ بی بی اور نوربی بی شامل ہیں۔ پولیس کے مطابق ٹرانسفارمر پر آسمانی بجلی گرکرہائی وولٹیج کی لائنیں گرنے سے شارٹ سرکٹ کے باعث متعدد گھروں میں آگ بھی لگ گئی جس کی وجہ سے کافی نقصان ہوا۔واقعہ کے بارے میں فوری طورپر مزید معلومات حاصل نہ ہوسکیں۔

ہمارے بارے میں جاننے کے لئے نیچے دئیے گئے لنکس پر کلک کیجئے۔

ہمارے بارے میں   |   ضابطہ اخلاق   |   اشتہارات   |   ہم سے رابطہ کیجئے
 
© 2020 All Rights of Publications are Reserved by Aksriyat.
Developed by: myk Production
تمام مواد کے جملہ حقوق محفوظ ہیں © 2020 اکثریت۔